Mesa cadrada: MULLERES DO UNIVERSO FREAK

Estuda Fotografía Artística en Sevilla. Decántase pola fotografía documental o que a leva a desenvolver dous proxectos de cooperación artística en Romanía e Macedonia. Posteriormente, foi seleccionada para unha bolsa artística pola Dirección Nacional do Antártico Arxentino, concluíndo cunha exposición en Sevilla co CSIC. 

Saltou ao cinema coa súa primeira curtametraxe, “Xordas” en 2016 e  “Five  Minutes” en 2021, ambos traballos con gran cantidade de seleccións e premios, destacando a participación do último no  Short Film  Corner de  Cannes.

Titulada como Técnico Superior en Produción de Audiovisuais y Espectáculos polo Centro IES Imaxe e Son da Coruña, conta con máis de 10 anos de experiencia no mundo do audiovisual, traballando como organizadora e coordinadora de produción en diferentes eventos audiovisuais. Foi a fundadora, coordinadora e directora de programación do FKM ata 2018, ademais de organizar diferentes ciclos de cinema e obradoiros.

Na actualidade compaxina a sua actividade como programadora e xestora cultural cos seus primeiros traballos de producción de video.

Involuntaria coleccionista de anécdotas e recicladora, en formatos diversos, de boa parte delas, para desesperación dos meus alumnos e disfrute, ou iso espero, do público dos meus traballos audiovisuais entre os que figuran curtas como “Einstein-Rosen”, sobre a que a organización do festival pretende que poña que gañou un feixe de premios e seleccións (négome porque me da pudor). Polo resto, ando á procura de buratos de vermes e paradoxos temporais pero tamén do gato de Schrodinger, xa sexa vivo ou morto.

Viguesa a cachos, compostelana na actualidade.A súa formación (USC, EICTV) destinabaa a ser directora de fotografía, pero a partir de “The last patrol”, virou cara á dirección. Máis tarde, con “Apash, os de fóra”, axustou o rumbo cara ós documentais, formato no que se sinte máis cómoda como muller-orquestra e cineasta de guerrilla.