Entrada libre, aforo limitado.
É sen ningunha dúbida para moitos unha das figuras influentes e podemos dicir que é un dos artistas urbanos galegos máis respectados e recoñecidos a nivel internacional. Xunto co seu irmán xemelgo Liqen e outros artistas como Nano 4814.
Desenvolveu a súa arte na supervivencia da total independencia dominando múltiples disciplinas artísticas ademais do grafiti e a pintura mural: ilustración, escultura, instalación, deformance, serigrafía, vídeo creación, etc.
Tras unha longa traxectoria pintando e ilustrando por todo o mundo nas rúas de cidades como Madrid, Barcelona, Hamburgo, Berlín, Mexico DF, Tanger ou Londres; de expoñer en museos e galerías de arte como MARCO, Museo de arte contemporánea (Vigo), Galería Subaquática (Madrid) Stolen Space Gallery(Londres), PoulsenGallery (Copenhague) ou Galería Limited (Milán); de participar en múltiples eventos e exhibicións de Pintura Mural.Desenvolveu un estilo único e persoal, basta cun golpe de vista para saber que é el quen está detrás dun mural seu.
Co seu persoal estilo fauvista e tropical, creou múltiples mundos surreales infestados de psicotrópicos personaxes, que paradojicamente, achégannos a universos oníricos moi reais e próximos. O seu humor vacilón, sarcástico e absurdo, infestado de sorna e dobres sentidos, deixa entrever significados profundos e críticos sobre o mundo que nos rodea á vez que nos fai reir e comprender o estúpidos que podemos chegar a ser.. .Todo isto fai que a súa arte sexa complexa e divertida ao mesmo tempo, irónica e seria. “Chanado e desenfadado”, como el podería dicir.
Segue desenvolvendo a súa arte na supervivencia e actualmente esta involucrado en proxectos para sociedades particulares do estranxeiro e buscando patrocinadores para outros, como facer o camiño de Santiago disfrazado de Michel Jackson , facendo o moonwalker desde Santiago a Roncesvalles, por suposto.